Das actividades do Día de Rosalía deste curso falamos na publicación anterior. Pero o equipo de Radio LLama tamén quixo unirse a esta importante celebración. Para isto fixo un podcast no que se deu lectura ao manifesto da AELG para commemorar este día redactado por Carlos Callón este ano. Os/ As lectores/as foron Narges, Rafa, Alba, Aarón, Yasmin e Radu. A presentación fíxoa a nosa compañeira Andrea.
No podcast tamén aparecen diferentes cancións a través das que se fan moi diversas versións do poemas da nosa escritora máis universal, cancións interpretadas por Luz Casal e Carlos Núñez, Guadi Galego, Devacas ou Rosa Cedrón e Cristina Pato.
Durante toda a semana se emitiu este podcast na hora de lecer e así puidemos desfrutar e coñecer todos un pouco máis a obra de Rosalía de Castro. O seu espírito segue moi presente entre nós!
