PREPARANDO E VIVINDO O 25 DE NOVEMBRO

Xa hai varios días que estamos traballando para lembrar que xa imos moi fartos e fartas de ter que seguir dicindo

a esta violencia e a todo tipo de desigualdades e inxustizas. A nosa compañeira Anum realizou o deseño que nos acompaña dende hai días no noso traballo. 

Polo momento, quéremos deixarvos coa letra que compuxo Antonio Y. (1ºESO) e foi interpretada por el mesmo e os/as seus/súas compañeiros/as para que vaiades lembrando o texto e poder cantalo todos e todas xuntos/as o venres. 

E para ir ensaiando, deixámosvos co audio (base Lil Alone) que gravaron. 

Todos e todas seguimos amosando o noso descontento por este tipo de violencia, por iso foron moitos os traballos que realizamos e propoñían dende A BIBLIOTECA, O EDLG, O CLUB DE LECTURA...

- Investigamos o motivo que levou a decidir elixir a data do 25 de novembro como o Día Internacional da eliminación da violencia contra a Muller, e tamén sobre a orixe da cor morada que o acompaña. 

- Elaboramos haikus que lembraban a nosa investigación e transmitían as nosas sensacións. 

- Compuxemos cantigas baixo o lema "PORQUE XA NON ESTAMOS NA IDADE MEDIA". 

- Deseñamos carteis  (decidimos deixar a imaxe de Rosalía de Castro porque ela segue guiando o camiño a moitas MULLERES). 

- Realizamos un concurso de deseños para facer  chapas e eliximos os catro máis votados. O día 25 de novembro todos e todas collemos unha para amosar o noso compromiso. 

- Logo dun traballo de investigación, os/as nosos/nosas compañeiros/as de FPBásica realizaron murais baixo o lema: NON SON CIFRAS SON VIDAS!"  

- Elaboramos frases e mensaxe contra esta violencia en moitos idiomas e, grazas á colaboración dos/das nosos/nosas compañeiros/as, tamén en caló. 

- Gardamos un minuto de silencio ás 12:00h e logo reflexionamos escribindo e comentado. 

AGARDAMOS QUE ESTA VIOLENCIA REMATE XA!!! 

CARTA AO DIRECTOR PUBLICADA EN EL PROGRESO

Hoxe no club estabamos moi contentos, xa que saíra publicada a carta que escribiu a nosa compañeira Anun, en nome de todos e todas nós, e que amosa  o noso compromiso co tema que nos uniu na primeira lectura, O home que plantaba árbores de Jean Giono. 

Deixámosvos coa lectura da carta que realizamos en Radio Llama e foi lida por Carla. 

LECTURAS E ANDANZAS I COA SÚA PRIMEIRA LECTURA

 Xa levamos sesións dedicadas á nosa primeira lectura, O home que plantaba árbores, de Jean Giono e hoxe rematámola.

Decidimos ler este libro porque estamos preocupados por temas que afectan ao noso planeta, en especial polo  cambio climático que provoca poucas precipitacións, aumento na temperatura e  que está mudando todo. Agora en Galicia gozamos dunha climatoloxía envexable, QUEN O DIRÍA!! Pero iso repercute negativamente no mundo. Esta lectura achegounos a debates interesantes, como foi o día en que falamos de adquirir un compromiso entre todos e todas para facer un consumo máis responsable da auga. Logo de moito debater, decidimos escribir unha carta ao director, que mandará a nosa compañeira Anum e desexamos ver pronto publicada.  

Animámosvos a todos e a todas a ler este relato, que está traducido a moitos idiomas, porque non vos deixará indiferentes. Neste enlace podedes lelo en castelán. 

Compartimos o audio co final da lectura nas voces de Carla e Sara. 

"Cando penso que só un home armado unicamente dos seus recursos físicos e morais, foi capaz de facer xurdir dun ermo esta terra prometida, convénzome de que,  a pesar de todo, o xénero humano é admirable. Pero cando fago o cómputo da constante grandeza de espírito e da teimosa benevolencia que, sen dúbida, requiriu alcanzar este resultado, embárgame un inmenso respecto por este vello campesiño iletrado que soubo completar unha obra digna de Deus. 

Eleazar Bouffier faleceu tranquilamente en 1947, no hospicio de Banon." 

Como seguimos investigando, achegamósvos o epílogo para que vos sigades animando a ler toda a historia. 

PARA DEIXAR A LEMBRANZA DESTA LECTURA, DECIDIMOS PLANTAR UN CARBALLO EN MEMORIA DE "ELZÉARD BOUFFIER", e non é ficción. 

Este libro deu para moito... A que vós non sabedes que tedes unha árbore que vos protexe? Buscádea e coidádea como ela fai con vós. 

 

A MAXIA DA LECTURA! 

FAI VINTE ANOS... "NUNCA MÁIS!"

- Onde estabas o 13 de novembro do 2002?

- Pero se aínda non naceramos!!!

Así comezamos hai uns días a falar dun dos maiores desastres ecolóxicos que viviu Galicia hai vinte anos. Aínda que non naceramos, si lembrabamos, grazas aos nosos pais e nais, o nome do Prestige, do lema NUNCA MÁIS! e outras cousiñas que foron saíndo. Démonos conta que somos unha xeración que non viviu directamente ese desastre ecolóxico, pero que somos o futuro e temos moi claro que HAI QUE COIDAR O NOSO PLANETA, poñendo todos os recursos que teñamos na nosa man e pedíndolles aos que gobernan que tamén o coiden. 

Lembrando esa MAREA BRANCA, ESA MAREA DE SOLIDARIEDADE, que axudou a vencer a marea negra, nós quixemos sentirnos herdeiros deles e delas, desas persoas que viñeron de todas as partes do mundo a axudar a limpar as nosas costas, a axudar ás persoas que máis o precisaban, a axudar a que a nosa Terra volvese ter un mar azul e cheo de vida, e por iso lembramos o pasado para EVITAR QUE NUNCA MÁIS SE REPITA. Que mellor forma de facelo que lendo o libro que recolle as creacións realizadas por alumnos e alumnas que terían a nosa idade hai vinte anos! Así foi como comezamos a ler: Nunca máis. A ollada da infancia. 

Aquí vos deixamos coas primeiras lecturas na voz dos herdeiros da  MAREA DA SOLIDARIEDADE: 

LECTURAS E ANDANZAS II comezan a segunda lectura

Hoxe tivemos un pequeno problema á hora de comezar o club, xa que tiñamos pensado continuar co volume 2 de Heartstopper2. Mi persona favorita,  pero non puido ser por circuntancias que non veñen ao caso comentar... Decidimos empezar a ler outra das lecturas que tiñamos propostas para o curso e así foi como nos mergullamos na historia de Neon Genesis Evangelion (edición coleccionista), que é a versión manga da serie de anime do mesmo nome,  da que Yoshiyuki Sadamoto é o debuxante e guionista. 

Como hai novas incorporacións ao club de cómic, comezamos a familiarizarnos coa lectura do manga.  Aquí vai a mostra. 

Logo comezamos a LER!!!

LECTURAS E ANDANZAS II REMATAN A SÚA LECTURA

Na sesión de hoxe rematamos de ler  Heartstopper 1. Dos chicos juntos de Alice Oseman.  Para facilitarvos o comezo, podedes premer aquí  e así lembrar como decidimos realizala. Non creades que foi moi fácil repartir papeis, porque había quen xa os tiña asignados dende un principio... Pero a nosa compañeira Malena soubo guiar en todo momento esta lectura para que todos e todas tiveran o seu momento e se sentisen protagonistas da historia. 

Audio coa lectura do final de Dos chicos juntos. 

Se esta lectura foi pracenteira, aínda máis o foron os comentarios que xurdiron dela. Aquí vos deixamos con algúns  para que vos animedes a ler e compartir. 

E con tanta emoción, esquecémonos das fotografías. 

Ata o seguinte!

NO CURSO 2022/23 SEGUIMOS MEDRANDO COAS LECTURAS E ANIMÁNDOVOS A LER!

Un ano máis continuamos LENDO E COMPARTINDO con todos e todas vós!

Lembrámosvos que nesta entrada iremos deixando audios das nosas lecturas, se queredes escoitar máis recomendacións podedes buscar na etiqueta, "As nosas lecturas" e seguro que algunha vos fará viaxar dun xeito gratificador. 

Deixámosvos coa primeira deste curso na voz de Ana Sofía (2ºESO) que comparte a súa opinión sobre o cómic Engurras de Paco Roca. 

Micaela (2ºESO) achega a súa opinión sobre esta mesma obra. 

Diego Alejandro (2ºESO) comparte a lectura de Palabras de caramelo, escrita por Gonzalo Moure. 

Seguimos compartindo, Adrián Cuevas (1ºESOA) achega a súa opinión sobre a lectura O neno de lume de Ledicia Costas. 

Agora é Martín V. quen opina sobre a mesma lectura de Ledicia Costas. 

Anxo Martiño (1ºESOC) anímanos a ler As pombas de Bastián, obra escrita por María Canosa. 

Antón Rego (1ºESOC) comparte a opinión da súa lectura, Volverás golfiño de Andrea Maceiras con todos e todas. (Pedimos desculpas polo boureo que se escoita nalgúns momentos do audio,  pero foi gravado no tempo de lecer...)

Antón O. (1ºESOA) anímavos a ler a mesma  obra de Andrea Maceiras. Logo de escoitar as súas palabras agardamos que  vos acheguedes a Volverás golfiño. 

Marco (2ºESOA) anímanos a ler Europa express, obra escrita por Andrea Maceiras. 

Agora é Nicolás (2ºESOA) quen opina sobre esta mesma obra de Andrea Maceiras. (Desculpas por ese Xacobé, cando quería dicir Xacobe, pero son os nervios do directo). O importante é que estas dúas opinións vos animen a ler a obra. 

David (1ºESOA) comparte a súa opinión sobre a lectura de O misterio de Portomarín, escrita por Antía Yáñez. 

Agora é María (1ºESO) a que comparte resume e opinión sobre a mesma obra. 

Pablo (1ºESO) comparte o resumo sobre esta mesma obra de  Antía Yáñez. 

Pablo R. (2ºESO) achega a súa opinión sobre esta mesma obra. 

A opinión sobre Fume, obra escrita por Antón Fortes e ilustrada por Joanna Concejo achéganola Sergio (1ESOC).

Estev (1ºESOC) achega a súa interpretación sobre a mesma obra de Antón Fortes. 

Daniel ((2ºESOA) comparte a opinión da lectura Nubes de evolución, escrita por Andrea Maceiras. 

Iago (1ºESOC) anímavos a ler a obra de Paco Martín, A rula, o peluche e a nena. 

Moraima (1ºESOB) achega a súa opinión sobre Cartas de inverno, obra escrita por Agustín Fernández Paz. 

Malena  (1ºESO) achega o resume e a súa opinión sobre a mesma obra de Agustín Fernández Paz. 

Andrea, Maryam, Miguel, Narjes e Sabela (2ºESO) leron  El árbol rojo, escrita por Shan Tan e agora opinan e animan a ler esta obra que non vos deixará indiferentes e vos fará ver a vida doutro xeito. 

Sarai (1ºESOC) achega o seu comentario da lectura da obra Os peixes de cores, escrita por Antonio García Teijeiro. 

Daniel (2ºESO) achega a súa opinión sobre a lectura do cómic de Miguelanxo Prado, O pacto do letargo. 

Antón R. (1ºESO) comparte as impresións que lle transmitiu a lectura do cómic de Inés Vázquez, Aldara. A lenda do cervo branco. 

Antón O. (1ºESO) achega a súa opinión sobre a lectura de Pan con cholate. A merenda de Gianni, escrita por Paula Carballeira. 

Carla C. (1ºESO) comparte a súa opinión sobre a lectura Papá caníbal escrita por Antonio Manuel Fraga e ilustrada por Santy Gutiérrez. 

Moraima (1ºESO) achega a súa opinión sobre a obra de Héctor Cajaraville, O segredo da casa de Formoso. 

Rafael (2ºESO) resume e opina sobre Reencuentro, obra escrita por Fred Uhlman. 

Lucas (2ºESO) comparte  opinión sobre a mesma lectura de Fred Uhlman. 

Adrián C. (1ºESO) opina sobre a lectura da obra de Fina Casalderrey, Xela volveuse vampira. 

Antón (2ºESO) comparte a súa opinión sobre o cómic Subnormal de Fernando Llor e Miguel Porto, baseado na historia de Iñaki Zubizarreta. 

David R. achega o resumo e opinión sobre o libro de relatos escrito por Francisco Castro e Fina Casaldarrey, O neno can. 

Estev (1ºESO) dá a súa opinión sobre esta mesma obra e céntrase nun dos relatos que forman parte de O neno can. 

Diego (2ºESO) comparte a súa opinión sobre a obra de Andrea Maceiras, O que sei do silencio. 

Iago (1ºESO) resume Mortiña. O amigo pantasma de Barbara Cantini. 

Sergio V.  (1ºESO) comparte o resumo e achega a súa opinión sobre a obra de Marina Mayoral, Tristes armas. 

Nicolás (2ºESO) achega a súa opinión sobre a mesma obra da autora. 

Valeria (1ºESO) cóntanos a súa historia de Kusuma, obra escrita por Héctor Cajaraville. 

Estev (1º ESO) achega o seu resumo que amosa o pracer que lle supuxo ler a obra de Ledicia Costas, A balada dos unicornios. 

Sofía (1ºESO) comparte as impresións que lle produciu a lectura de Romaxe de desventuras, escrita por Pepe Carballude. 

Markus V. (1ºESO) achega o resumo da obra escrita por Miguel Ángel Alonso Diz e ilustrada por Luz María Beloso Rodríguez, A nena que non deixaban ser feliz.

 Marco (2ºESO) comparte a súa opinión sobre a lectura Mentira de Care Santos.