O día 8 de marzo chegou ao noso centro e, ademais de ter que celebrar e reivindicar os dereitos das mulleres e a igualdade de xénero, quixemos homenaxear unha muller destacada no noso instituto: BELÉN MOSQUERA, a nosa profe de Latín.
Ela deixará o seu labor docente este curso e este xa era un motivo para celebrar con ela esa "despedida", pero queriamos ademais demostrarlle o noso afceto a unha muller sempre disposta a axudar e a mellorar a súa contorna... unha profe querida polo alumnado, polo profesorado e por todo o persoal non docente...imos botala moito de menos para o vindeiro curso!
Ela tamén foi durante unha época coordinadora do noso club de lectura, así que aínda tiñamos un motivo máis para unirnos á festa. E alí estivemos, na bliblioteca facendo un kahoot en gran grupo sobre mulleres que marcaron fitos na historia e, sorpresa!!!!!!, cando chegaron as últimas preguntas, todas facían referencia a unha muller do noso centro empática, xenerosa, cercana e moi querida.... as respostas verdadeiras, claro, todas eran: Belén Mosquera. E ela alí diante sen saber nada!!!!! a sorpresa foi maiúscula!!!!
A toda/os nos caeu algunha que outra bágoa cando a vimos a ela emocionada... fixémoslle algún agasalliño e logo estivemos moi atentos ás palabras que lle dedicou a profe María Gorgoso e, desde logo o que estabamos esperando, ás súas palabras, que foron moi moi emotivas. Aí non puidemos evitar máis bágoas.
Desde logo non se nos ocorre mellor forma de celebrar este 8M, foi un acto moi sobrecolledor que quedará na nosa memoria e na de todo o noso centro.
Temos que dicir tamén que para conmemorar esta data sinalada o equipo radio LLama puxo no tempo de lecer desta semana pola radio música galega con mensaxes feministas feita ou interpretada por mulleres como Sés, Guadi Galego, A banda da loba, Tanxugueiras ou as Fillas de Casandra e poidemos escoitalas nos corredores ou no patio fóra.
