CHEGOU O SAMAÍN

Chega o SAMAÍN e o grupo de biblioteca, o EDLG e, como non, o club de lectura estivemos aí para lembrar as nosas tradicións. Cabazas decoradas e contos para non esquecer o noso pasado. 

Neste audio tedes unha boa mostra. 

QUE NON SE VOS ESQUEZA NESTES DÍAS O DE....:  TRUCO, TRATO! 

ATA A PRÓXIMA!

LECTURAS E ANDANZAS II, comezan

Ola, aquí estamos de novo!!

Na reunión anterior do club comentamos as lecturas que iamos realizar este curso, opinamos sobre os títulos, portada e investigamos un pouquiño sobre a súa temática. O certo é que para A conta atrás  tivemos que ter axuda, porque cando nos falaron do ano 2002... ninguén de nós nacera. Aínda así, Carla, a nosa compañeira, lembrou que o seu pai lle falara dun petroleiro que provocara un desastre ecolóxico... soubemos o significado do lema, NUNCA MÁIS!!! e eliximos a lectura pola que comezar. Non foi dificil, xa que todos e todas estabamos agardando ler Heartstopper de Alice Oseman e falamos da súa temática, dos prexuízos, do respecto...  

Na xuntanza de hoxe comezamos a lectura de Heartstopper 1. Dos chicos juntos. Decidimos facela en voz alta e repartir papeis. Aquí vos deixamos con imaxe do club e cun "fragmento" da lectura, á que lle puxeron voz: Iago, Khady, Malak e Carla. 

Agora un momento da lectura en audio. 

RADIO LLAMA CO EDLG

Como sabedes, en "Radio Llama" dámos voz a todas as iniciativas que xorden no noso centro. Nesta ocasión realizamos un obradoiro para facer chapas co logo que Anum, a nosa compañeira, deseñou para o Equipo de Dinamización da Lingua Galega. O equipo coordinador da radio deu testemuña deste feito, que foi dirixido por Uxía, encargada de ensinarlles aos/ás seus/súas compañeiras como se realizaban as chapas para que se animasen a facer os seus logos e darlles visibilidade. Agradecemos a presenza de Delia,  coordinadora do EDLG, pola súa iniciativa e a súa presenza. 

Antes de comezar o taller. 

Deixámosvos co vídeo e coa voz de Uxía para narrar os pasos que debemos facer para realizar as chapa que desexamos. 

Parabéns, Anum polo teu deseño!

Estas son as primeiras chapas, pero pronto teremos máis para repartir entre toda a comunidade educativa e levar preto do corazón a nosa lingua.