Aquí estamos un curso máis coa nosa sección de "ENTREVISTAS" para coñecernos un pouquiño mellor.
Comezan Noa e Nuno entrevistando a profesora de inglés, Marta C.
Agora son Sofía e Antón O. os que conversan con Noelia, a súa profe de francés e inglés.
Salma e Emma entrevistan a Maite, titora e profesora de tecnoloxía e plástica.
Anxo e Serxio comparten un tempo con Laura, a súa profesora de matemáticas.
Antón R e Izan (1ºESO) entrevistan a Queque, o seu profesor de relixión.
Hoxe comezamos, acompañados de Guido -o noso amigo-, unha nova aventura. Moitos e moitas dos/das que participamos animabamos ás novas incorporacións lembrándolles o libro que publicaramos e presentaramos o curso pasado, Andanzas literarias. Este curso non vai ser menos!!! Non vos queremos adiantar moito, pero si compartir con vós o ben que o pasamos e o que aprendemos da man do noso guía favorito que nos achegou "A arte literaria da nosa cidade".
Saímos ás nove do instituto e, a pesar de que as condicións meteorolóxicas non nos animaban moito, NON NOS FIXERON FALTA OS PARAUGAS, xa que a nosa enerxía conseguiu que non caese nin unha pinga.
Comezamos nova lectura que segue amosando o noso compromiso coa NAI TERRA e cos valores humanos. La vida noctura de los árboles, escrita e ilustrada por Bhajju Shyam, Durga Bai, Ram Singn Urveti.
.tiff)
.png)
E para ir ensaiando, deixámosvos co audio (base Lil Alone) que gravaron.
- Investigamos o motivo que levou a decidir elixir a data do 25 de novembro como o Día Internacional da eliminación da violencia contra a Muller, e tamén sobre a orixe da cor morada que o acompaña.
- Elaboramos haikus que lembraban a nosa investigación e transmitían as nosas sensacións.
- Compuxemos cantigas baixo o lema "PORQUE XA NON ESTAMOS NA IDADE MEDIA".
- Deseñamos carteis (decidimos deixar a imaxe de Rosalía de Castro porque ela segue guiando o camiño a moitas MULLERES).
- Realizamos un concurso de deseños para facer chapas e eliximos os catro máis votados. O día 25 de novembro todos e todas collemos unha para amosar o noso compromiso.
Hoxe no club estabamos moi contentos, xa que saíra publicada a carta que escribiu a nosa compañeira Anun, en nome de todos e todas nós, e que amosa o noso compromiso co tema que nos uniu na primeira lectura, O home que plantaba árbores de Jean Giono.
Deixámosvos coa lectura da carta que realizamos en Radio Llama e foi lida por Carla.
Xa levamos sesións dedicadas á nosa primeira lectura, O home que plantaba árbores, de Jean Giono e hoxe rematámola.
Decidimos ler este libro porque estamos preocupados por temas que afectan ao noso planeta, en especial polo cambio climático que provoca poucas precipitacións, aumento na temperatura e que está mudando todo. Agora en Galicia gozamos dunha climatoloxía envexable, QUEN O DIRÍA!! Pero iso repercute negativamente no mundo. Esta lectura achegounos a debates interesantes, como foi o día en que falamos de adquirir un compromiso entre todos e todas para facer un consumo máis responsable da auga. Logo de moito debater, decidimos escribir unha carta ao director, que mandará a nosa compañeira Anum e desexamos ver pronto publicada.
Animámosvos a todos e a todas a ler este relato, que está traducido a moitos idiomas, porque non vos deixará indiferentes. Neste enlace podedes lelo en castelán.
Compartimos o audio co final da lectura nas voces de Carla e Sara.
"Cando penso que só un home armado unicamente dos seus recursos físicos e morais, foi capaz de facer xurdir dun ermo esta terra prometida, convénzome de que, a pesar de todo, o xénero humano é admirable. Pero cando fago o cómputo da constante grandeza de espírito e da teimosa benevolencia que, sen dúbida, requiriu alcanzar este resultado, embárgame un inmenso respecto por este vello campesiño iletrado que soubo completar unha obra digna de Deus.
Eleazar Bouffier faleceu tranquilamente en 1947, no hospicio de Banon."
Como seguimos investigando, achegamósvos o epílogo para que vos sigades animando a ler toda a historia.
A MAXIA DA LECTURA!
Hoxe tivemos un pequeno problema á hora de comezar o club, xa que tiñamos pensado continuar co volume 2 de Heartstopper2. Mi persona favorita, pero non puido ser por circuntancias que non veñen ao caso comentar... Decidimos empezar a ler outra das lecturas que tiñamos propostas para o curso e así foi como nos mergullamos na historia de Neon Genesis Evangelion (edición coleccionista), que é a versión manga da serie de anime do mesmo nome, da que Yoshiyuki Sadamoto é o debuxante e guionista.
Como hai novas incorporacións ao club de cómic, comezamos a familiarizarnos coa lectura do manga. Aquí vai a mostra.
Logo comezamos a LER!!!
Un ano máis continuamos LENDO E COMPARTINDO con todos e todas vós!
Lembrámosvos que nesta entrada iremos deixando audios das nosas lecturas, se queredes escoitar máis recomendacións podedes buscar na etiqueta, "As nosas lecturas" e seguro que algunha vos fará viaxar dun xeito gratificador.
Deixámosvos coa primeira deste curso na voz de Ana Sofía (2ºESO) que comparte a súa opinión sobre o cómic Engurras de Paco Roca.
Micaela (2ºESO) achega a súa opinión sobre esta mesma obra.
Diego Alejandro (2ºESO) comparte a lectura de Palabras de caramelo, escrita por Gonzalo Moure.
Neste audio tedes unha boa mostra.
QUE NON SE VOS ESQUEZA NESTES DÍAS O DE....: TRUCO, TRATO!
ATA A PRÓXIMA!
Como sabedes, en "Radio Llama" dámos voz a todas as iniciativas que xorden no noso centro. Nesta ocasión realizamos un obradoiro para facer chapas co logo que Anum, a nosa compañeira, deseñou para o Equipo de Dinamización da Lingua Galega. O equipo coordinador da radio deu testemuña deste feito, que foi dirixido por Uxía, encargada de ensinarlles aos/ás seus/súas compañeiras como se realizaban as chapas para que se animasen a facer os seus logos e darlles visibilidade. Agradecemos a presenza de Delia, coordinadora do EDLG, pola súa iniciativa e a súa presenza.
Antes de comezar o taller.
Ola!!!
Hoxe comezamos a sesión coa lectura de dous contos que "esperamos e desexamos" poder volver compartir cos/coas nenos e nenas dun colexio da nosa cidade. Sabemos que leva tempo porque é un público moi esixente, por iso puxémonos mans á obra.
Que gocedes dos audios coma nós das historias e dos momentos!!!
Sara lembrou o "seu conto" baseado no relato de Eduardo Galeano "Un mar de fueguitos".
E Jennifer F. púxolle voz á adaptación do conto de Anuska Ravishankar, Os elefantes nunca esquecen.
Ata a próxima.
Ola a todos e a todas!
O 19 de setembro asistimos a unha actividade (grazas a que nos convidou a Fundación Breogán) que compartimos con moitos/as compañeiros/as do noso centro e doutros tres máis da localidade. Trátase dun proxecto que leva por nome LUZ Ó DEPORTE e que nos enganchou desde o comezo ao saber que coñeceriamos persoalmente a Iñaki Zubizarreta. Por se non vos lembrades, o cómic, Subnormal, estivera con nós o curso pasado como podedes escoitar nesta sección.
Dicirvos que foi unha experiencia dura, xa que escoitar na voz do protagonista todo o que padeceu sendo un neno de 11 anos, por culpa do acoso ao que se viu sometido, move os sentimentos. Pero saimos reforzados nos nosos principios e berramos moi alto:
Ola a todos e a todas!
Tal e como di o noso lema: " A felicidade non se pode mercar, pero o que ama a lectura vive a historia coma se fose súa e viaxa polo universo".
Por iso, convidamos no primeiro programa de Radio Llama, a radio do Muralla, a todos e todas os/as compañeiros/as para que se unan aos nosos clubs de lectura e a participar en todas as nosas andanzas.
Xa vedes que non perdemos tempo, tivemos que volver familiarizarnos co funcionamento da nosa radio, perder "a vergonza" a falar en público..., pero como nos une a amizade e o desexo de volver compartir, aquí estamos Daniel, Naiara, Uxía, Silvia, Pablo, Carla e Noa para dicirvos que ESTAMOS DE VOLTA E AGARDÁMOSVOS!
Pablo, Uxía, Sara, Jennifer e María foron os/as nosos/nosas representantes para conducir a presentación do noso libro.
.jpg)
.jpg)
Moitas grazas ao club de lectura do @iesmuralla de #Lugo polo seu impresionante traballo arredor de #StreetPoems! Grafiteiras da poesía!https://t.co/stEUncvN48 pic.twitter.com/T63DEZvdvf
— Fran Alonso (@franalonso) June 3, 2022
Non paran os días emocionantes ❤️ Hoxe acompañando ao alumnado do @iesmuralla na presentación do seu libro adicado á #ArteUrbanaLucense 🎨🌟 Espectacular traballo e presentación! Unha honra inmensa acompañarvos ❤️ #AndanzasLiterarias debería estar en todos os fogares lucenses ❤️ pic.twitter.com/t3rEYiNPsr
Guido Álvarez Parga (@guidoalvarezp) June 20, 2022