Hoxe comezamos, acompañados de Guido -o noso amigo-, unha nova aventura. Moitos e moitas dos/das que participamos animabamos ás novas incorporacións lembrándolles o libro que publicaramos e presentaramos o curso pasado, Andanzas literarias. Este curso non vai ser menos!!! Non vos queremos adiantar moito, pero si compartir con vós o ben que o pasamos e o que aprendemos da man do noso guía favorito que nos achegou "A arte literaria da nosa cidade".
Saímos ás nove do instituto e, a pesar de que as condicións meteorolóxicas non nos animaban moito, NON NOS FIXERON FALTA OS PARAUGAS, xa que a nosa enerxía conseguiu que non caese nin unha pinga.
Comezamos o percorrido fixándonos e mirando para o chan...
Continuamos camiño e non quedou un recuncho da cidade sen ver nin comentar...
pensando e organizando -cheos de ilusión- o traballo que nos agardaba. Pero iso é OUTRA HISTORIA.
En fin, un ano máis coñecemos segredos que agocha a nosa cidade, neste caso MERGULLÁMONOS NAS PEGADAS LITERARIAS DAS SÚAS RÚAS PARA SEGUIR ENRIQUECÉNDONOS.
Se María Victoría Moreno escribiu: " O meu co galego é unha historia de amor", o que sentimos nós pola nosa cidade, pola nosa cultura e pola lectura É PAIXÓN!
GRAZAS Guido por ser o noso amigo e seguir compartindo (a pesar da catarreira) o teu tempo con este club de lectura. Cóidate!
