NOVA ANDANZA

 En que aventura andaremos??? 

Pronto teredes máis noticias. 

PARA IR COÑECENDO A FLORENCIO DELGADO GURRIARÁN

Como xa sabedes, este ano dedícaselle o Día das Letras Galegas a Florencio Delgado Gurriarán. Recomendávosvos ler a información que aparece no enlace para axudarvos a responder as preguntas deste primeiro pasapalabra, que agardamos vos faga coñecer mellor a este persoeiro que tivo sempre a Galicia, á súa lingua, ás súas xentes e á súa comarca como eixes da súa vida e da súa obra.   

Aquí vai a letra que faltaba. CHEGA O Ñ!! 

Agardámosvos no segundo pasapalabra. 

SEGUIMOS COÑECENDO A FLORENCIO DELGADO DE GURRIARÁN

Tal e como vos dixemos, aquí tedes o segundo "pasapalabra" para amosar os vosos coñecementos sobre este autor. 

ÁNIMO!

Toca responder á pregunta coa letra Ñ, preparados e preparadas! 

Continuaremos lendo as súas obras, informándonos das actividades culturais que levou a cabo e  valorando todo o traballo que fixo pola cultura galega en tempos difíciles. Agora que vivimos outros tempos, só nos queda continuar o seu camiño. 

DÍA DA POESÍA, NOVA LECTURA E DIFERENTES FORMAS DE VIVILA.

Que mellor que celebrar a entrada da primavera cunha lectura que nos achega cores e luz! Que nos fai abrir o corazón, ao igual que a primavera nos esperta todos os sentidos para sentir que a vida  volve aparecer ante nós! Con esta ilusión comezamos a ler nós outras escrita por Marica Campo e ilustrada por Menchu Lamas. 

Aquí vos deixamos coa primeira sesión de lectura.

Na seguinte reunión do club finalizamos a lectura dos poemas de nós outras. 

Agora toca o máis importante, compartir a mensaxe dos poemas mentres compartimos por Radio llama a lectura destes con todxs xs compañeirxs.  LEDE ESTA OBRA, porque vos fala e transporta a un MUNDO DE IGUALDADE E RESPECTO NO QUE TODOS E TODAS DESEXAMOS VIVIR!

Xs nosxs compañeiros de 1ºESOB e 1ºESOC achegaron a súa forma de vivir este xénero literario. 

Como dixo Luis Pimentel: " A poesía é o grande milagre do mundo". 

NON Á GUERRA!

Hai uns días lembramos o necesario que é vivir en PAZ,  quen nos ía dicir que pronto teriamos que volver recordar todo e deixar nos nosos textos, nas nosas palabras, nas nosas ilustracións estas mensaxes: 

NON MÁIS GUERRAS!!!  

QUEREMOS VIVIR EN PAZ!!! 

O alumnado de 3ºPMAR reflectiu nas súas ilustracións o seu:  NON Á GUERRA!   

Outrxs compañeirxs redactaron manifestos para deixar  claro  que, sendo  presente e  futuro,  non van ACEPTAR MÁIS CONFLITOS BÉLICOS.  

NÓS, o alumnado de 2ºESOA do IES Muralla Romana, QUEIXÁMONOS  dos conflitos bélicos que hai nestes momentos no mundo e  queremos dicir ben alto que NON ENTENDEMOS QUE:

-          A poboación ucraína teña que abandonar o seu país, a súa familia, os seus fogares...

-          Persoas inocentes  e  militares  teñan que combater nunha guerra declarada por políticos que só buscan o seu beneficio.

-          Adolescentes vaian á guerra enganados pensando que non van matar a ninguén.

-          Os países “fortes” ou poderosos se sigan aproveitando dos máis débiles.

-          Os políticos elixidos para gobernar o seu país se esquezan da vida dos seus habitantes e só pensen na deles.

-          Só goberne xente que non debe gobernar.

En resumo, QUEIXÁMONOS E NON ENTENDEMOS  que non aprenderamos nada da historia e sigamos vivindo na prehistoria.

E POR TODO ISTO ESIXIMOS que:

-          Se pare a guerra porque nos afecta a todos e todas.

-          Non haxa nunca máis familias desestruturadas  por conflitos bélicos.

-          Os políticos pensen máis no pobo e menos na economía.

-          Non se recorra á violencia en ningún caso para resolver conflitos.

-          Haxa máis entendemento, máis diálogo e unha educación en valores humanos.

-          A convivencia e o respecto mutuo entre as persoas elimine todo tipo de fronteiras e se respecte a opinión de todos e todas.

-          A empatía entre os diferentes pobos oriente os políticos de todos os estados.

EN DEFINITIVA, DICIMOS MOI ALTO:

NON Á GUERRA EN UCRAÍNA,  NIN A NINGUNHA OUTRA GUERRA!

NON Á MANIPULACIÓN NA INFORMACIÓN QUE ENGANA AS PERSOAS QUE VIVEN O CONFLITO DIRECTA E INDIRECTAMENTE!

NON ÓS POLÍTICOS QUE SÓ PENSAN EN SI MESMOS!

E REIVINDICAMOS E ESIXIMOS:  PAZ!

Alumnado 2ºESOA

15-03-2022

Seguimos manifestándonos e ESIXINDO:

MANIFESTO: NON Á GUERRA

NÓS, os/as alumnos/as de 2º B do IES Muralla manifestamos o noso total  desacordo e a nosa REPULSA contra a guerra e nesta situación declaramos que estamos fartos de:

-       Que un mandatario declare unha guerra, mais non estea disposto a ir a ela.

-       Que un país queira someter a outro país

-       Que haxa persoas obrigadas a defender o seu país nunha guerra.

-       Que destrocen os edificios públicos, os hospitais, as residencias…

-       Que haxa persoas que teñan medo a saír á rúa

-       Que teñan que separarse as familias.

-       Que suban os prezos da luz, o gas e a gasolina que nos afecta a todos e máis aínda ás persoas máis vulnerables.

-       Que chegue a haber escasez de produtos básicos como aceite ou cereais.

-       Que haxa xente que pase fame e calamidades debidas a esta situación.

-       Que se mate ou que vexa truncada a súa vida xente inocente.

E POR ISO ESIXIMOS que: 

-       Rematen os conflitos bélicos

-       Non morra xente inocente e as persoas, sobre todo os nenos, non teñan medo.

-       Países como Ucraína volvan ser o que eran, que se recupere a súa poboación e as súas xentes poidan vivir en paz.

-       Os criminais de guerra paguen os seus delitos con xustas condenas pola barbarie cometida.

-       Que impere o entendemento e o diálogo entre os países. 

EN DEFINITIVA:         

Queremos deixar ben claro que non queremos máis gueras , que morra máis xente inocente e as persoas perdan o seu fogar. A violencia non é o camiño.

QUEREMOS VIVIR EN PAZ!!!!!

En "Radio Llama" puxémoslle voz a estes manifestos para que a nosa mensaxe chegase a todas as persoas e foramos máis xs que defenderamos A PAZ.  

Audio do manifesto de 2ºESOA.

Audio do manifesto escrito polo alumnado de 2ºESOC. 

Imaxe do alumnado que puxo voz aos manifestos en Radio Llama. 

Ao longo das semanas, o equipo de Radio Llama informa e pon cancións que lembran o preciso que é conseguir A PAZ para lograr vivir nun mundo, no que o respecto sexa a única bandeira que nos una. 

Con isto e coas "Cartas ao director", que escribimos e enviamos, DESEXAMOS CON TODAS AS NOSAS FORZAS QUE A PAZ REINE NESTE MUNDO. 

Deixámosvos  coa voz da nosa compañeira, Anum Zahra, lendo a súa carta ao director que saiu publicada no xornal El Progreso. 

PARTICIPAMOS NO CONCURSO JÓVENES TALENTOS RELATO CURTO

Un ano máis, compoñentes do club de lectura e outrxs compañeirxs,  participaron no concurso Jóvenes talentos de relato corto, elixindo a opción de concursar en lingua galega. 

Estaban moi animadxs e ilusionadxs, xa que lembraban que o ano pasado un premio recaera nunha compañeira nosa; pero o mércores, cando fixeron a primeira proba nos ordenadores, os nervios xa empezaron a aparecer... Chegou o día 10 e grazas ás profes,  Marta e Delia, a aula estaba preparada, os ordenadores listos para que só tiveran que seguir os pasos e entrar na páxina que os/as levaría a protagonizar esta andanza.  

Só quedaba descubrir "O ESTÍMULO CREATIVO" 

que os levaría a escribir a súa historia e a mergullarse durante dúas horas en mundos...

PARABÉNS A TODAS E A TODAS OS/AS ESCRITORES/AS!!!!

Como dixeron: "Como estas actividades, moitas máis!"

DÍA 8 DE MARZO

 DEDICADO A TODAS AS MULLERES DO MUNDO

Había poucos días que lembraramos a UNHA MULLER, por iso decidimos que seguise presente neste día e en todas as actividades que realizamos, xa que foi un modelo a seguir.  

RADIO LLAMA emitiu durante o recreo dándolle voz a todo o realizado ao longo destes días polxs nosxs compañeirxs e así compartilo con toda a comunidade educativa. 

Abriron o programa poñendo o rap escrito e interpretado polo alumnado de 3PMAR. 

Continuaron informando que o vídeo realizado polo alumnado de 1ESO B_C e 2ºESOC, sobre as MULLERES que para eles e elas fixeron historia, podíase ver na pantalla do corredor da entrada do centro. Neste vídeo coñecemos a historia de mulleres pioneiras como: Amelia Earhart, Anna Frank, Hipatia, Concepción Arenal, Isabel Zendán, Marie Curie, Micaela Chao, Emilia Pardo Bazán, Irene Sendler, María Pita, Qiu Jom... 

Pero, onde está a presenza das MULLERES que día a día fan historia e nunca teñen un recoñecemento público? Aquí comeza: "MULLERES ANÓNIMAS". 

O equipo de Radio Llama e os membros do club de lectura leron os textos escritos polxs seus/súas compañeirxs co fin de seguir compartindo historias de mulleres no tempo de lecer . 

Comezou Sara lendo o seu texto.  

Escoitade a historia na súa voz: 

Continuaron poñéndolles voz a outros relatos 

Deixámosvos co audio nas voces dos autores e autoras de 2ºESOA  dos relatos que escribiron sobre as "MULLERES ANÓNIMAS", pero importantes e imprescindibles nas súas vidas. 

Seguían as historias, porque estas MULLERES ANÓNIMAS así o merecían. 

Audio coas voces dos autores e autoras (1ºESOA) dos textos escritos para lembrar as "SÚAS" MULLERES ANÓNIMAS, pero importantes e imprescindibles nas súas vidas. (O último non é unha muller anónima, pero si importante para a persoa que o escribiu.)

Non vos esquezades, a biblioteca ten unha selección de lecturas e a porta sempre aberta para compartir.