OS NOSOS ENREDOS

O club de lectura anda a preparar unha nova actividade relacionada coa lectura. 

Nalgunhas sesións estamos a ler en voz alta e coa entoación debida contos publicados en galego. Na sesión á que pertencen as fotos estamos a ler Corre  corre, cabaciña, un libro que trouxo Antía (xunto con algún máis) pertencente á súa biblioteca persoal. 

Andamos a argallar algo do que máis adiante vos daremos noticias, xa que aínda estamos perfilando o tipo de actividade que imos facer e para que público.

Xa vos seguiremos contando....!!!

DOCES DE SAMAÍN

O xoves 30 de outubro celebrouse o Samaín no noso centro, unha das actividades promovidas polo EDLG e a biblioteca nas que partcipamos @s membros do club de lectura,  foi a de traer doces "terroríficos" mais as receitas escritas en galego. Aquí vos deixamos as fotos para que vexades a pinta que tiñan!

Nós non só participamos senón que unha das nosas "lectoras", Amani, levou un premio outorgado por un xurado formado por profes e alunmnado de FP Básica. Como ese día coincidía cunha sesión do club de lectura, no tempo de lecer fomos á biblioteca á entrega de premios e logo á aula onde nos reunimos o club e estabamos tan contentas polo premio de Amani que quixemos inmortalizar o momento cunhas fotos. 

Con actividades coma esta lógrase implicar ao alumnado e a fortalecer vínculos, aproveitando ademais a celebración dunha tradición galega, que pouco a pouco imos recuperand,o como é o Samaín (aínda que sexa con influencias do Halloween americano).

Non podemos esquecer que temos tradicións propias que coñecer e valorar!

VISITA DE IVET NÚÑEZ

O 28 de outubro o club de lectura de adultos tivo unha visita moi agardada: a da escritora Ivet Núñez. 

Trátase dunha autora de novela negra que soe situar a acción das súas historias en Lugo, é o que sucede no seu libro Los oiréis sufrir que nesta ocasión foi a lectura proposta para o club e supuxo un alicente máis para adentrarse nas súas páxinas

Tod@s @s integrantes do club quedaron impresionadas co libro, co engaiolante que resultou ser a súa lectura e o lograda que está a atmosfera e os personaxes desta novela, a pesar de estar escrita por unha autora moi xoven. 

Compartimos con ela as nosas impresións sobre a obra e fixémoslle algunha que outra pregunta sobre curiosidades dela como autora e da novela. 

Foi unha sesión moi frutífera que rematou co agasallo dunha camiseta a Ivet (que dixo que lle gustara moito) e da sinatura de exemplares do libro por parte dela.

Deixámosvos algunhas fotos deste  emocionante encontro. 

Moitas grazas, Ivet por acompañarnos e acercarnos ao acto creativo literario!

LECTURAS DIVERTIDAS

 Que tal?

Nós asomámonos por aquí para contarvos algo das nosas lecturas.

Veredes, o ano pasado veunos a fin de curso e estabamos coa lectura dunha obra de teatro que nos estaba gustando moito, pero non tivemos tempo de rematala. Entón ocorréusenos este curso iniciar o club de lectura con esta lectura e a verdade que ler obras teatrais en alto e entre tod@s é moi divertido, cada un escolleu un papel da obra e le as súas intervencións. Pasámolo moi ben!

Quizais máis adiante nos animamos a facer unha pequena representación teatral, iremos vendo e irémosvos informando.  

Estamos lendo O achado do castro de Manuel Núñez Singala , recomendámosvos esta lectura porque se trata dunha obra dun autor lucense e ademais é unha comedia supredivertida. 

Animádevos a ler e, se queredes, podedes unirvos a nós, así a lectura será compartida. 

INICIO CLUB DE LECTURA ADULTOS

 Ola de novo!

Queremos informarvos que o club de adultos tamén comezou o pasado 30 de setembro e, como o curso pasado, está coformado por docentes, nais, persoal non docente e outras persoas vinculadas co noso instituto por ter exercido aquí o seu traballo.

Normalmente indican en cada sesión de reunión a data da próxima, pero normalmente reuniranse unha vez cara a finais de mes. 

Na primeira reunión deste curso compartiron a lectura do libro La muy catastrófica visita al zoo de Joël Dicker.

Boas lecturas de lecturas a tod@s!!!!!

NOVO CURSO: NOVAS LECTURAS

 Que tal tod@s?

Aquí estamos un curso máis co noso club Lecturas e andanzas. Comezamos as nosas lecturas o 30 de setembro, xa que nas primeiras semanas do curso estivemos dándolle visibilidade ao club para promover novas incorporación. 

Colocamos carteis nas cortizas do instituto e fomos algunhas das integrantes do club do curso pasado polas aulas para avisar do comezo e animar a que se apuntaran máis compañeir@s . 

Houbo compañeiros de 1º , 2º e 3º ESO que decidiron a apuntarse a esta aventura e fixamos como días de encontro os martes e os xoves na hora do lecer: de 11:15 a 11:40 h. 

Así que un ano máis estamos unidos por unha afección que nos une e que fai que nos sintamos mellor. Grazas a todas aquelas persoas que nos axudan e colaboran con nós (como a profe Mónica que vai vir algunhas sesións do club a compartir con nós). 

E, coma sempre, neste blog, darémosvos a coñecer as actividades que vaiamos facendo. 

Bo curso e boas lecturas!!!!

PROBANDO A NOVA RADIO

Durante o curso non puidemos emitir programas de radio porque o equipo que tiñamos na aula 05 estragouse e non houbo posibilidade de arranxalo. Estivemos á espera dun novo tal como estaba prometido e chegou, pero ao final do curso. 

En canto o tivemos no centro, buscamos un lugar idóneo para colocalo, pensamos no espazo onde se realizan as reunións de titoría cos pais porque é o único que nos resultaba axeitado, nunha aula non era operativo. 

Así que, logo de pedir permiso, montamos o equipo de radio alí axudados polo alumnado de 4º ESO da materia de Intelixencia Artificial, axudados polas profesoras de Tecnoloxía Lucía e Maite. 

Unha vez montado, os alumnos de 4º PDC crearon o guión de dous podcast sobre o Día das Letras Galegas: un sobre as cantareiras ás que se lle dedica este ano o Día das Letras Galegas e outro sobre curiosidades en torno a este día: porque se celebra un 17 de maio, que actividades se fan, cantas mulleres foron homenaxeadas...

Logo de facer os guións había que ir probar como ía era iso da gravación e a verdade é que foi unha gran experiencia; os resultados de toda a montaxe aínda non os temos, en canto poidamos poñerémolos aquí. 

De momento deixámosvos cunhas fotos sobre os momentos das gravacións. 

Para o ano utilizaremos a radio moito, porque a actiividade  resultou moi motivadora.