Achégase o final deste ano 2020 ao que é difícil buscarlle adxectivos positivos, porque nos quitou moitas cousas; entre elas, abrazarnos, estar xunt@s sen ter que pensar en manter a distancia de seguridade (1,5), vernos a cara totalmente (aínda que o uso da máscara aprendeunos a mirarnos aos ollos e coñecernos a través deles) e tantas cousas máis... O 2020 non se portou moi ben, pero lembrounos a importancia da solidariedade e o respecto polas normas, en especial, ante unha pandemia como a que vivimos, xa que só poderemos saír desta situación co compromiso de todas as persoas.
O 2020 cambiou as nosas vidas, PERO o que non puido cambiar FOI O GUSTO POLA LECTURA. Sabemos que moitas persoas, que antes non lían, aproveitaron o tempo de confinamento para abrir un libro e mergullarse na súa historia, e iso é algo que nos alegra o corazón porque nos lembra o lema do noso club de lectura:
@s lector@s e andantes despedimos o ano cunha alegría enorme, xa que a nosa compañeira, Anum Zahra colaborou coa súa ilustración nas guías de lectura elaboradas pola coordinadora dos EDL do Morrazo. ORGULLOS@S ESTAMOS, ANUM! PARABÉNS!!! E dámoslles as grazas a todas as persoas que elixiron a ilustración desta lectora e andante.
Achegámosvos o enlace de LECTURAS PARA SOÑAR, no que poderedes ler as palabras de felicitación para Anum, ver a súa ilustración e, como non, ter en conta as lecturas que recomendan.
Agora tócanos a nós animarvos a ler para rematar e comezar o ano CON ENERXÍA, ILUSIÓN E HISTORIAS QUE COMPARTIR. Non digades que non tedes onde escoller???!!!
Comezamos coas recomendacións que deron os profes que entrevistamos:
- Gabriel: El lazarillo de Tormes, (Anónimo)
- Chus: Memorias dun neno labrego, Xosé Neira Vilas
- Montse: a poesía de Pedro Salinas
- Pernas: La cabaña del tío Tom, Harriet Beecher
- Noelia: O club da calceta, María Reimóndez
- Eliseo: O principiño, Antoine de Saint-Exupéry
E finalizamos coas obras que nos propuxemos ler nos clubs de lectura ao longo do curso.
- O que sei do silencio, Andrea Maceiras
- Alma perdida, Laura Fernández
- Street poemas, Fran Alonso
- Antía e Daren, Valentín Alvite
- La playa de los cristales, Pedro Ramos
- Comedia bífida, M. Núñez Singala
Para os amantes do cómic e dos libros ilustrados:
- Quien le zurcía los calcetines al Rey de Prusia mientras estaba en la guerra, Zidrou e Roger Ibáñez
- Chicas malas, Petricelli Assia/Riccardi, Sergio
- Desencuentros, Jimmy Liao
- Wolfran "Espías, nazis e maquis" , Alberto Varela
- El árbol rojo, Shaun Tan
